دبئی ( نیوز ڈیسک )انٹرنیشل کرکٹ کونسل (آئی سی سی) نے میچ فکسنگ کے الزام میں بنگلہ دیش کی ویمنز ٹیم کی سپنر سہیلی اختر پر 5 سال کی پابندی عائد کر دی۔ بنگلہ دیشی کرکٹر سہیلی اختر پر ویمنز ٹی ٹوئنٹی ورلڈ کپ 2023 کے دوران میچ فکسنگ کے الزامات کے تحت کرکٹ کے تمام فارمیٹس میں 5 سال کی پابندی عائد کی گئی ہے۔
36 سالہ کھلاڑی نے الزامات کو قبول کرتے ہوئے آئی سی سی اینٹی کرپشن کوڈ کی 5 شقوں کی خلاف ورزی کا اعتراف کیا۔ مزید پڑھیں:بنگلہ دیش پریمیئر لیگ کے کم از کم 8 میچز فکسنگ کی زد میں آگئے سہیلی پر پابندی کی مدت 10 فروری 2025 سے شروع ہو چکی ہے۔ رپورٹس کے مطابق 2023 میں ڈھاکا کے نیوز چینل نے ایک آڈیو جاری کی تھی، جس میں 2 کرکٹرز کے درمیان مبینہ گفتگو سنی گئی۔
رپورٹ میں بتایا گیا کہ جنوبی افریقہ میں ہونے والے ویمنز ٹی ٹوئنٹی ورلڈ کپ کے دوران لتا مونڈل نے سہیلی اختر سے رابطہ کیا تھا تاہم سہیلی نے ان الزامات کو مسترد کرتے ہوئے اسے غلط فہمی کا معاملہ قرار دیا تھا۔ واضح رہے کہ آف سپنر سہیلی اختر بنگلہ دیشی ویمنز ٹیم کی جانب سے 2 ون ڈے اور 13 ٹی ٹوئنٹی انٹرنیشنل میچ کھیل چکی ہیں۔
مزید پڑھیں: آسٹریلوی بائولر میتھیوکوہمنمین کا ایکشن مشکوک قرار
