لاہور ( نیوز ڈیسک )پاکستان سپر لیگ (پی ایس ایل) 10 کےلئے غیر ملکی کھلاڑیوں کی کیٹیگریز سامنے آگئیں۔آسٹریلیا کے ڈیوڈ وارنر، میتھیو شارٹ، شان ایبٹ، نیوزی لینڈ کے مارک چیپمین اور بنگلادیش کے مستفیض الرحمٰن پی ایس ایل ڈرافٹ کےلئے پلاٹینم کیٹیگری میں شامل ہیں۔
ذرائع کے مطابق مجیب الرحمٰن، شکیب الحسن، کرس لین، ڈیرل مچل، ایڈم ملن، ٹم ساؤتھی، کوشال مینڈس اور ڈیوڈ ویلے بھی پلاٹینم کیٹیگری میں شامل ہیں۔عثمان خواجہ، زیک کرالی، جیسن رائے، مائیکل بریسویل، ایلیکس ہیلز سمیت 40 غیر ملکی کھلاڑی پلاٹینم کیٹیگری میں شامل ہیں۔
6 غیر ملکی کھلاڑی صرف پلاٹینم کیٹیگری میں ہی منتخب ہونے کے لیے دستیاب ہیں جبکہ دیگر کھلاڑی پلاٹینم میں منتخب نہ ہونے کے بعد ڈائمنڈ اور گولڈ میں بھی دستیاب ہیں۔
آسٹریلیا کے وکٹ کیپر بیٹر ایلیکس کیری ڈائمنڈ کیٹیگری کا حصہ ہیں، ڈائمنڈ کیٹیگری میں 87 غیر ملکی کھلاڑی پی ایس ایل ڈرافٹ کے لیے دستیاب ہیں۔گولڈ کیٹیگری میں 165 غیر ملکی کھلاڑی پی ایس ایل 10 ڈرافٹ کے لیے رجسٹر ہوئے ہیں۔
مزید پڑھیں: تبت میں7.1 شدت کا زلزلہ ،عمارتیں گرگئیں۔32 افراد ہلاک
