لاہور(نیوز ڈیسک ) پاکستان کرکٹ بورڈ (پی سی بی) نے شاہد اسلم کو قومی کرکٹ ٹیم کا نیا بیٹنگ کوچ مقرر کردیا۔آسٹریلیا میں پاکستان کرکٹ ٹیم کے بیٹنگ مسائل کے پیش نظر مستقل بیٹنگ کوچ کا تقرر کیا جا رہا ہے اور اس سلسلے میں پی سی بی نے شاہد اسلم کو نیا بیٹنگ کوچ مقرر کیا ہے جس کی بورڈ نے تصدیق کر دی ہے۔
پی سی بی کے ترجمان نے بتایا کہ شاہد اسلم بطور بیٹنگ کوچ زمبابوے اور جنوبی افریقہ جا رہے ہیں۔ترجمان کے مطابق پاکستان ٹیم کے لیے سپن باؤلنگ کوچ کی تلاش کی جا رہی ہے جس کا جلد تقرر کر دیا جائے گا۔
میڈیا رپورٹس کے مطابق شاہد اسلم کو عاقب جاوید کی سفارش پر کوچ مقرر کیا گیا ہے۔ وہ ماضی میں کئی سالوں تک ٹیم کے معاون عملے کا حصہ تھے۔ وہ بلے بازوں کو مشق کروانے کے لیے مشہور ہے اور گھنٹوں تھرو ڈاؤن پھینکنے کے لیے مشہور ہے۔
مزید پڑھیں: نویں اور دسویں جماعت کی داخلہ فیس میں 50 فیصد اضافہ
