لاہور(نیوز ڈیسک ) پاکستان کرکٹ بورڈ (پی سی بی) نے پاکستان اور آسٹریلیا کے درمیان پہلے ایک روزہ بین الاقوامی (ون ڈے) مقابلے کے لیے پاکستان کے اسکواڈ کا اعلان کر دیا ہے۔

سابق کپتان بابر اعظم کے ساتھ محمد رضوان، عبداللہ شفیق اور صائم ایوب کو پلیئنگ 11 کا حصہ بنایا گیا ہے۔پہلے ون ڈے میں حارث رؤف اور محمد حسنین کے ساتھ اہم کھلاڑی نسیم شاہ اور شاہین شاہ آفریدی کو بھی شامل کیا گیا ہے۔کامران غلام، سلمان علی آغا اور محمد عرفان خان بھی آسٹریلیا کے خلاف اس پہلے میچ میں پاکستان کی نمائندگی کریں گے۔

فاسٹ باؤلرز نسیم اور شاہین کو آسٹریلیا کی پچوں پر اچھی باؤلنگ کارکردگی کے لیے ضروری سمجھا جاتا ہے۔ دریں اثنا، رؤف اور رضوان پہلے ہی میزبان ملک کے میدانوں پر خود کو ثابت کر چکے ہیں اور امکان ہے کہ اس بار بھی ٹیم کی کارکردگی کو بلند رکھیں گے۔میچ کل پاکستانی وقت کے مطابق رات 8 بجے کھیلا جائے گا۔
مزید پڑھیں: ستاروں کی روشنی میں آج بروزاتوار ،3نومبر 2024آپ کا کیرئر،صحت، دن کیسا رہے گا ؟