لاہور ( نیوز ڈیسک )پاکستان کرکٹ بورڈ (پی سی بی) کے چیئرمین محسن نقوی نے کرکٹ کے معاملات سابق کپتان وقار یونس کے حوالے کرنے کا فیصلہ کیا ہے۔
پاکستان کرکٹ بورڈ (پی سی بی) کے چیئرمین محسن نقوی پی سی بی کے انتظامی امور کو دیکھیں گے اور وہ تمام فیصلے کریں گے جن میں انٹرنیشنل، ڈومیسٹک، سلیکشن کمیٹی کے معاملات، کھلاڑیوں کے نان آبجیکشن سرٹیفکیٹس (این او سی) شامل ہیں۔پی سی بی کے چیئرمین محسن نقوی کی بنیادی توجہ چیمپئنز ٹرافی کے انتظامی امور پر مرکوز رہے گی۔
ذرائع کا کہنا ہے کہ نقوی نے سابق کپتان وقار یونس کو پی سی بی میں اعلیٰ عہدہ دینے کا فیصلہ کیا ہے۔ وقار یونس مینز کرکٹ کے معاملات کی دیکھ بھال کریں گے۔پی سی بی کے آئین 2014 کے مطابق چیئرمین کو اختیار ہے کہ وہ اپنا اختیار کسی کو بھی دے سکتا ہے۔
وقار یونس قومی ٹیم سے متعلق تمام امور کے انچارج ہوں گے۔ وہ قومی سلیکشن کمیٹی سفید گیند ریڈ بال کوچز کو دیکھیں گے۔ محسن نقوی چیئرمین کرکٹ کے اہم پہلوؤں میں تجربہ کار کرکٹرز کو شامل کرنا چاہتے تھے۔
