لاہور(نیوزڈیسک)کرکٹر حارث روف کے ساتھ فینز کی بدتمیزی کیخلاف چیئرمین پی سی بی محسن نقوی ، اور ساتھی کھلاڑی شاداب خان، شان مسعود ، جنید خان ، حسن علی ودیگر کا سماجی رابطوں کی ویب سائٹ ایکس پر بول پڑے ، چیئرمین پی سی بی محسن نقوی نے سماجی رابطے کے پلیٹ فارم ایکس پر بیان دیتے ہوئے کہا کہ حارث رؤف کے ساتھ پیش آنیوالےافسوسناک واقعہ کی مذمت کرتا ہوں،
Strongly condemn the appalling incident involving Haris Rauf. Such actions against our players are completely unacceptable and will not be tolerated. Those who are involved must immediately apologise to Haris Rauf, failing which we will pursue legal action against the individual…
— Mohsin Naqvi (@MohsinnaqviC42) June 18, 2024
کھلاڑیوں کے ساتھ ایسے واقعات مکمل طور پر ناقابل قبول ہیں۔محسن نقوی نے مطالبہ کیا کہ اس واقعے میں جو ملوث ہیں وہ فوری طور پر حارث رؤف سے معافی مانگیں، اگر ایسا نہ کیا گیا تو ذمہ داران کے خلاف قانونی کارروائی کریں گے۔ساتھی کھلاڑی شاداب خان، شان مسعود، جنید خان اور حسن علی سابق ٹیم ڈائریکٹر محمد حفیظ نے بھی حارث رؤف کے ساتھ یکجہتی کا اظہار کیا ہے۔
محمد حفیظ کا کہنا تھا کہ فینز کو کھلاڑیوں کی ذاتی زندگی کا احترام کرنا چاہیے، کھلاڑیوں کی ذاتی زندگی اور پروفیشنل زندگی کی حدود کا احترام لازم ہے۔حسن علی نے کہا کہ میں نے حارث رؤف کی وائرل وڈیو سوشل میڈیا پر دیکھی، فینز سے کہوں گا کہ تنقید حق ہے مگر تنقید جائز طریقے سے کی جائے، کھلاڑیوں کے ساتھ احترام اور ان کی فیملی کا لحاظ کیا جائے، ہم سب پاکستان کرکٹ کی بہتری کے خواہش مند ہیں۔
جنید خان نے معاملے پر ردعمل دیتے ہوئے کہا کہ تنقید سب کا حق ہے مگر گالی دینا اور ذاتی زندگی میں مداخلت کسی کا حق نہیں۔شان مسعود نے بھی کھلاڑیوں کے ساتھ نا مناسب زبان کے استعمال کو قابل مذمت قرار دیا۔
شاداب خان نے کہا کہ تنقید فینز کا حق ہے، ہم اس سے سیکھتے ہیں،کسی کو یہ حق نہیں کہ فیملی کی موجودگی میں حملہ کرے، اگر آپ کی فیملی کے سامنے کوئی آپ پر ذاتی حملہ کرے تو آپ کو کیسا محسوس ہوگا؟واضح رہے کہ فلوریڈا میں قومی کرکٹر حارث رؤف کی فین کے ساتھ الجھنے کی ویڈیو وائرل ہوئی تھی جس میں حارث رؤف اور فین کے درمیان فوٹو بنانے کے لیے تکرار ہوئی۔حارث اپنی اہلیہ کے ساتھ تھے کہ مبینہ طورپر فین نے انہیں گالی دی، جس پر حارث اسے مارنے کےلیے دوڑے، اہلیہ اور دیگر فینز نے بیچ بچاؤ کروادیا۔
