لاہور(نیوزڈیسک)پشاور زلمی کے چیئرمین جاوید آفریدی نے قذافی اسٹیڈیم میں اسلام آباد یونائیٹڈ کے خلاف شاندار سنچری بنانے پر بابر اعظم کو کارایم جی ایسنس تحفے میں دینے کا اعلان کردیا۔
بابر اعظم نے قذافی اسٹیڈیم میں 63 گیندوں پر ناقابل شکست 111 رنز بنا ئے ۔
ان کی یہ اننگز ان کی عالمی معیار کی بیٹنگ اور شاندار اسٹروکس کی وجہ سے دہائیوں تک یاد رکھی جائے گی۔
MG GIFT FOR BABAR AZAM. @babarazam258
HE WILL BE THE FIRST ONE TO DRIVE MG ESSENCE.
MADE IN PAKISTAN #HBLPSL۹ @MGPakistan pic.twitter.com/IFo3hK8HSb— Javed Afridi (@JAfridi10) February 26, 2024
زلمی کے کپتان نے اپنی شاندار اننگز کے ذریعے خود کو دی کنگ ثابت کیا ۔
مزیدپڑھیں:عدم استحکام کے خواہشمند ناکام ہو رہے ہیں ، نیر بخاری
پاکستان سپر لیگ میں یہ ان کی دوسری سنچری تھی۔
بابر اعظم اب تک اب ٹی 20 کرکٹ میں 11 سنچریاں بناچکے ہیں اور وہ ویسٹ انڈین بلے باز کرس گیل کےبعد دوسرے نمبر پرہیں،جنہوں نے کھیل کے مختصر ترین فارمیٹ میں 22 سنچریاں اسکور کی ہیں۔
میچ کا رخ اس وقت تبدیل ہوا جب بابر اعظم نے اسلام آباد کے نوجوان فاسٹ بولر حنین شاہ کو ایک اوور میں 4 چوکے اور ایک چھکا لگایا اور اس کے بعد سے زلمی کے کپتان نے پیچھے مڑ کر نہیں دیکھا۔
