ممبئی ( اے بی این نیوز )بالی ووڈ کی سینئر اداکارہ رانی مکھرجی آج کل اپنی نئی فلم ’مسز چترجی ورسز ناروے‘ کی کامیابی سے لطف اندوز ہو رہی ہیں۔رانی مکھرجی کا کہنا تھا کہ اگر لکھاری اچھی محبت کی کہانی لکھیں تو میں شاہ رُخ کے ساتھ دوبارہ اسکرین پر رومانس کرنا چاہوں گی۔حال ہی میں انہوں نے بھارتی میڈیا کو انٹرویو دیتے ہوئے کہا کہ مجھے شاہ رُخ خان کے ساتھ رومانس کرنا پسند ہے اور میں بوڑھے ہونے تک ان کے ساتھ رومانس کرنا چاہتی ہوں۔انہوں نے کہا کہ چاہے میں 80 برس کی اور شاہ رخ 95 سال کے ہوجائیں، رومانوی کردار کےلیے میری ترجیح وہی ہوں گے۔
