بمبئی (نیوزڈیسک)معروف بھارتی اداکارہ پرینیتی چوپڑا کا شادی کے حوالے سے دیا گیا پرانا انٹرویو ایک بار پھر میڈیا کی خصوصی توجہ کا مرکز بن گیا ۔اداکارہ انٹرویو میں شادی بارے سوال کا جواب دیتے ہوئے یہ کہہ رہی ہیں کہ’بہت سارے اچھے آپشنز ہیں لیکن میں کبھی کسی سیاستدان سے شادی نہیں کرنا چاہوں گی ‘۔انہوں نے اپنی بات کی وضاحت دیتے ہوئے کہا کہ’جیسا کہ مجھے سفر، پانی، سمندر، تیراکی سے محبت ہے تو میں چاہتی ہوں کہ جس سے بھی میری شادی ہو، وہ ایک خود ساختہ شخص ہونا چاہیے‘۔انہوں نے مزید کہا کہ ’مجھے ایسے مرد پسند ہیں جنہوں نے اپنی زندگی خود بنائی ہو‘۔ یاد رہے کہ بالی ووڈکی معروف اداکارہ پرینیتی چوپڑا اور بھارتی سیاستدان راگھو چڈھا جلد شادی کے بندھن میں بندھ جائیں گے، البتہ شادی کا اعلان دونوں نے اب تک نہیں کیا لیکن کئی معروف شخصیات جوڑے کی شادی کی تصدیق کرچکی ہیں۔
