ممبئی(نیوزڈیسک)بھارتی فلم اور ڈرامے کی معروف اداکارہ تونیشا شرما نے شو کے سیٹ پر خودکشی کرلی۔بھارتی ریاست مہاراشٹرا کی پولیس نے تونیشا شرما کی موت کی تصدیق کی اور بتایا کہ انہوں نے بھارتی ڈرامے کے سیٹ پر خودکشی کی۔پولیس کے مطابق اداکارہ نے سیٹ پر خود کو پھانسی لگا کر خودکشی کی، انہیں اسپتال لے جایا گیا، جہاں ڈاکٹروں نے انہیں مردہ قرار دیا۔تونیشا شرما نے ٹی وی شوبھارت کا ویر پتر مہارانہ پرتاب سے اپنے اداکاری کے سفر کی شروعات کی۔انہوں نے چکرورتن اشوکا سمراٹ، گبر پونچھ والا، شیر پنجاب، مہاراجا رنجیت سنگھ ، انٹرنیٹ والا لو اور عشق سبحان اللہ میں اداکاری کے جوہر دکھائے۔اداکارہ کئی بھارتی فلموں میں مختصر کردار میں نظر آئیں، جن میں فتور، بار بار دیکھو، کہانی 2 اور سلمان خان کی دبنگ 3 شامل ہیں۔
