نئی دہلی(نیوز ڈیسک) بالی ووڈ اداکار وجے ورما کا میٹل ساڑھی میں فوٹو شوٹ سوشل میڈیا پر وائرل ، بےباک اداکارہ عرفی جاوید نے بھی انہیں اسٹائلش قراردیدیا۔ تفصیلات کے مطابق فوٹو اینڈ ویڈیو شیئرنگ پلیٹ فارم انسٹاگرام وجے ورما کے فوٹو شوٹ کی چند تصاویر سامنے آئی ہیں جس میں انہوں نے چمکیلی سرخ اور سیاہ رنگ کی دھات سے تیار کردہ ساڑھی زیب تن کی ہے ۔اس پر عرفی جاوید کمنٹس کیے بغیر نہ رہ سکیں انہوں نے انہیں حیران کُن ، جادو اور اسٹائلش قرار دیدیا۔ شیئر کی جانے والی تصاویر کے کپشن میں درج ہے کہ آرٹ ان موشن کو حدود سے آزاد ہونا چاہیئے، وجے ورما نے ساڑھی صنفی حدود سے بالا تر ہوکر خوبصورتی سے ہم آہنگ کیا ہے۔
