کراچی (اے بی این نیوز) فلم جوائے لینڈ کی عالمی سطح پر کامیابی پر ملالہ یوسفزئی نے خصوصی پیغام جاری کیا ہے۔حال ہی میں نوبل انعام یافتہ ملالہ یوسفزئی نے اپنے انسٹاگرام اکائونٹ پر انڈیپنڈنٹ اسپرٹ ایوارڈز کی تقریب سے کچھ یادگار تصاویر اور ایک ویڈیو شیئر کی ہے۔ ویڈیو میں دیکھا جاسکتا ہے کہ ایوارڈ کی تقریب میں فلم جوائے لینڈ کے لییبیسٹ انٹرنیشنل فلم ایوارڈ کا اعلان ہوتے ہی شرکا تالیاں بجاتے ہوئے کھڑے ہوکر فلم کی ٹیم کی حوصلہ افزائی کررہے ہیں۔ جبکہ تصاویر میں ملالہ اپنی فلم کی ٹیم اور تقریب میں شریک دیگر لوگوں کے ساتھ کیمرے کے لیے پوز دیتے ہوئے نظر آرہی ہیں۔ ملالہ یوسفزئی نے تصاویر اور ویڈیوز کے کیپشن میں لکھا ہے کہ مجھے بہت فخر ہے کہ ہماری فلم جوائے لینڈ نے انڈیپنڈنٹ اسپرٹ ایوارڈز میں بیسٹ انٹرنیشنل فلم ایوارڈ اپنے نام کیا ہے ۔ انہوں نے لکھا کہ یہ پاکستانی فنکاروں، فلم کے وژنری مصنف اور ہدایت کار کے لیے ایک ناقابل یقین لمحہ ہے ۔
