کراچی(نیوزڈیسک)مقبول اداکارہ، ماڈل و لکھاری نوال سعید نے کہا ہے کہ یہ بات سچ ہے کہ انہیں شادی کی خواہش ہے، کیوں کہ انہیں شادی کا شوق ہے اور وہ چاہتی ہیں کہ ان کی شادی اب اصل میں ہوجائے۔اداکارہ نے نجی ٹی وی پروگرام میں بات کرتے ہوئے بتایا کہ انہوں نے صوبہ سندھ کے دارالحکومت کراچی میں موجود ناپا سے ابتدائی طور پر میوزک کی تربیت حاصل کی اور انہوں نے وہاں 6 ماہ تک گٹار بجانا سیکھا لیکن انہوں نے مکمل میوزک نہیں سیکھی۔اداکارہ کے مطابق بعد ازاں انہوں نے وہیں اداکاری اور گلوکاری ایک ساتھ سیکھنا شروع کی لیکن پھر انہوں نے گلوکاری کو چھوڑ کر اداکاری پر فوکس کیا اور جلد ہی انہیں کمرشلز میں کام مل گیا۔نوال سعید کا کہنا تھا کہ انہوں نے کمرشلز سے آغازکیا اور پہلے تین کمرشلز میں انہیں محض 2 سے 3 سیکنڈز تک دکھایا گیا لیکن پھر انہیں کمرشل کی اسکرین پر زیادہ دکھایا گیا اور وہ اپنے رشتتے داروں سمیت جان پہچان والوں میں مشہور ہوگئیں۔انہوں نے کہا کہ بعد ازاں کسی دوست کے کہنے پر انہوں نے ڈرامے کے لیے آڈیشن دیا جو کہ بہت برا تھا لیکن اس باوجود انہیں اداکاری کرنے کا موقع مل گیا اور یوں وہ باضابطہ طور پر اداکارہ بن گئیں۔نوال سعید کا کہنا تھا کہ وہ پڑھائی میں بہت اچھی تھیں، انہیں ریاضی سمیت دیگر مضامین بھی اچھے آتے تھے۔ایک سوال کے جواب میں انہوں نے انکشاف کہ وہ نہ صرف ماڈلنگ و اداکاری کرتی ہیں بلکہ وہ لکھاری بھی ہیں اور وہ انگریزی میں شاعری کرتی ہیں۔انہوں نے بتایا کہ وہ عام طور پر اس وقت شاعری کرتی ہیں جب محبت میں ان کا دل ٹوٹتا ہے۔نوال سعید نے اعتراف کیا کہ انہوں نے بہت بار بریک اپ ہونے کے بعد ہی شاعری لکھی۔اداکارہ نے پروگرام کے ایک سیگمنٹ میں شادی سے متعلق بھی کھل کر بات کی اور بتایا کہ وہ چاہتی ہیں کہ ان کا ہونے والا شریک حیات مخلص اور سچا انسان ہو، سب کو اہمیت دیتا ہو اور ان میں کسی طرح کا غرور نہ ہو۔شادی کے سوال پر انہوں نے اعتراف کیا کہ ان کی خواہش ہے کہ ان کی شادی ہوجائے۔