لاہور(نیوز ڈیسک) گلوکارہ میشا شفیع نے کہا می ٹی کمپین کیلئے مجھے کوئی فنڈنگ نہیں ہوئی ۔تفصیلات کے مطابق ایڈیشنل سیشن جج خان محمود نے گلوکار علی ظفر کے ہتک عزت دعویٰ کی سماعت کی، گلوکار علی ظفر اپنے وکیل کے ہمراہ عدالت میں پیش ہوئے جبکہ میشا شفیع پر ویڈیو لنک کے ذریعے جرح کی گئی۔ علی ظفر کے وکیل نے میشا شفیع سے جر ح کرتے ہوئے کہا کہ آپ کو می ٹو کیمپین کیلئے کتنی غیر ملکی فنڈنگ ہوئی، ایف بی آر نے آپ کے اکاؤنٹ کیوں منجمد کیے تھے، علی ظفر پر جنسی ہراسگی کے مبینہ واقعہ کے بعد بھی آپ نے علی ظفر کے ساتھ دو تصویریں آپ نے اپلوڈ کیں بتایا جائے ۔ علی ظفر کے وکیل کی طرف سے سوالوں کی بوچھاڑ کے بعد میشا شفیع نے کہا کہ می ٹی کمپین کیلئے مجھے کوئی فنڈنگ نہیں ہوئی، میرے اکاؤنٹس کیوں منجمد ہوئے اس کا مجھے نہیں پتا میرے ٹیکس وکیل سے پوچھ لیں، کیس کے بعد تصاویر اپ لوڈ کرنے کا مجھے یاد نہیں ،یہ پروفیشنل ٹیم میں سے کسی نے اپلوڈ کیں ہوںگی، میں اب فیس بک پر ایکٹو نہیں ہوں۔ تمام سوالوں کے جواب ملنے کے بعد عدالت نے علی ظفر کے وکیل کو آئندہ سماعت پر جرح جاری رکھنے کی ہدایت کرتے ہوئے کیس کی سماعت 28 مارچ تک ملتوی کردی۔
