ممبئی (اے بی این نیوز) بالی ووڈ اداکار اکشے کمار نے اپنی مسلسل فلاپ فلموں کا ذمہ دار خود کو ہی قرار دے دیا۔ ایک انٹرویو میں اکشے کمار سے فلاپ فلموں کے بارے میں سوال کیا گیا تو انہوں نے جواب دیا ایسا پہلی بار نہیں ہو رہا، کیریئر میں ایک وقت ایسا بھی آیا جب ان کی لگاتار 16 فلمیں فلاپ ہوئیں، اس کے بعد ایک بار پھر ان کی لگاتار 8 فلمیں فلاپ ہوئیں اور اب میری مسلسل 3 فلمیں فلاپ ہوئی ہیں، اس میں قصور کسی کا نہیں، صرف میرا ہے۔ کھلاڑی کہے جانے والے اداکار اکشے کمار کا کہنا تھا کہ فلمیں فلاپ ہونے کی وجہ یہ ہے کہ ناظرین کی پسند بدل رہی ہے، لوگ اب فلموں میں کچھ اور دیکھنا چاہتے ہیں۔اداکار نے بتایا کہ مسلسل فلمیں فلاپ ہونا 100فیصد میری ذمہ داری ہے، ہمیں اس کے لیے ناظرین یا کسی اور کو مورد الزام نہیں ٹھہرانا چاہیے۔