کوئٹہ(نیوز ڈیسک)صدارتی ایوارڈ یافتہ گلوکار بشیر بلوچ انتقال کر گئے،بلوچ سنگر کافی عرصے سے گردوں کی بیماری میں مبتلا تھے۔معروف گلوکار کے بیٹے محمد رضا نے انتقال کی خبر تصدیق کرتے ہوئے بتایا کہ والد کی تدفن کلی دیبہ کے قریب اخوند بابا قبرستان میں کی جائے گی۔ بلوچ لوک فنکار نے بروہی زبان میں کئی گیت گائے جو بلوچستان میں زبان زد عام ہیں۔ انھیں صدارتی ایوارڈ سے بھی نوازا گیا اور کم و بیش مقامی و بین الااقوامی 132 ایوارڈ حاصل کیے۔ تاہم آخری وقت میں انھوں نے حکومت وقت سے شکوہ کیا تھا کہ بھارت سے ایوارڈ لانے والے لوک فنکار کو اس حالت میں بے یار و مددگا چھوڑ دیا گیا ہے کہ اس کے پاس کھانے کو دو وقت کی روٹی نہیں۔وزیراعلیٰ بلوچستان نے بشیر بلوچ کے انتقال پر دکھ اور افسوس کا اظہار کیا ہے۔ عبدالقدوس بزنجو کہتے ہیں مرحوم نے اپنے فن سے ملک اور بین الاقوامی سطح پر صوبے کا نام روشن کیا۔