لاہور ( اے بی این نیوز    )معروف سینئر اداکار انور علی انتقال کر گئے۔

پاکستان شوبز کے سینئر اداکار 71 سالہ انور علی طویل علالت کے بعد انتقال کر گئے۔

معروف سٹیج ٹی وی اور فلم اداکار انور علی پھیپھڑوں اور گردوں کے عارضے میں مبتلا تھے اور کئی روز سے زیر علاج تھے۔

تاہم گزشتہ رات طبیعت بگڑنے پر انہیں رائے ونڈ روڈ اسپتال میں داخل کرایا گیا جہاں انہوں نے آخری سانس لی۔

واضح رہے کہ اداکار انور علی کی نماز جنازہ کا تاحال اعلان نہیں کیا گیا۔

انور علی کا شمار پاکستانی فلم اور تھیٹر کی تاریخ کے بہترین کامیڈین اور اداکاروں میں ہوتا ہے۔ اپنے منفرد انداز اور بے مثال مزاح سے انہوں نے لاکھوں لوگوں کے دل جیت لیے۔

انور علی کے انتقال پر مداحوں اور شوبز انڈسٹری سے تعلق رکھنے والی ساتھی شخصیات نے دکھ کا اظہار کیا ہے۔

مزید پڑھیں :واشنگٹن ٹائمز نے فیلڈ مارشل سید عاصم منیر کو ’’مردآہن‘‘ قرار دیدیا