ممبئی (اے بی این نیوز) بالی ووڈ اداکار نوازالدین صدیقی کو عدالت نے ان کی اہلیہ عالیہ صدیقی کی جانب سے شکایت درج کرانے کے بعد نوٹس جاری کر دیا ہے۔ بھارتی میڈیا رپورٹ کے مطابق نواز الدین صدیقی کی اہلیہ عالیہ صدیقی نے پولیس اسٹیشن میں اپنا بیان ریکارڈ کرواتے ہوئے اپنے شوہر کے خلاف شکایت درج کروائی تھی کہ نوازالدین اور ان کے اہل خانہ انہیں کھانا، بستر اور باتھ روم جیسی دیگر بنیادی سہولیات فراہم نہیں کر رہے جس پر ممبئی کی اندھیری عدالت نے نواز الدین صدیقی کو ان کی اہلیہ کی شکایت پر نوٹس جاری کیا ہے۔اس سے قبل نواز الدین صدیقی کی والدہ مہرونیسا صدیقی نے اداکار کی اہلیہ کے خلاف ایف آئی آر درج کرواتے ہوئے یہ دعوی کیا تھا کہ عالیہ نواز الدین کی بیوی نہیں ہے اور اس کا ان کے بیٹے کی جائیداد میں کوئی حصہ نہیں ہے۔
