کراچی (اے بی این نیوز) اداکارہ غزالہ جاوید نے حالیہ انٹرویو میں اداکارہ حمیرا اصغر کی والدہ پرشدید غصے کا اظہار کیا ہے۔

اپنے ایک انٹرویو میں حمیرا اصغر کی والدہ نے کراچی کے شہریوں کو بے حس قرار دیتے ہوئے کہا تھا کہ یہ کیسا شہر ہے وہاں 10 ماہ سے لاش پڑی تھی اور کسی کو نہیں ملی۔انہوں نے کہا کہ فلیٹ میں حمیرا کے پڑوسی کس شہر کے تھے جنہیں ایک لاش بھی نہیں ملی ۔

جس پر معروف اداکارہ غزالہ جاوید نے کہا کہ کراچی والوں کو تو چھوڑیں، بتائیں آپ کیسی ماں تھیں؟ دو عیدیں گزر گئیں اور بیٹی کی کوئی خبر نہیں آئی۔ اداکارہ نے کہا کہ اگر حمیرا اصغر میری بیٹی ہوتی تو مجھے اس پر فخر ہوتا۔ وہ ایک باوقار اور باصلاحیت لڑکی تھی جو سات سال سے اکیلی رہ رہی تھی لیکن کبھی بھٹکی نہیں تھی۔

اداکارہ نے مزید کہا کہ میری بھی بیٹیاں ہیں۔ اگر میری بیٹی کو بخار ہو بھی جائے تو میں سو نہیں سکتا۔ ایک ماں اپنے بچے کے درد کو سمجھتی ہے۔حمیرا کے والدین سے دکھ کا اظہار کرتے ہوئے انہوں نے کہا کہ سب سے زیادہ بدنصیب وہ بچے ہیں جن کی ماں ان کے ساتھ نہیں ہے۔

ابتدائی پوسٹ مارٹم رپورٹ کے مطابق اداکارہ کی موت کو 8 سے 10 ماہ گزر چکے تھے اور لاش آخری مراحل میں سڑ چکی تھی۔
مزید پڑھیں:ملک احمد خان بھچر کی اہلیہ کو ٹکٹ دینے کا فیصلہ؟