نئی دہلی (اے بی این نیوز)بھارت کی ملیالم فلم انڈسٹری کے 51 سالہ معروف اداکار کلابھاون نواس چل بسے۔بھارتی میڈیا کے مطابق بھارتی اداکار کی لاش کوچی میں ان کے ہوٹل کے کمرے سے ملی، وہ فلم کی شوٹنگ کیلئے کوچی میں موجود تھے۔

رپورٹس میں کہا گیا ہے کہ اداکار کو شیڈول کے مطابق کمرہ خالی کرنا تھا تاہم چیک آؤٹ نہ ہونے پر ہوٹل اسٹاف نے کمرہ چیک کیا تو اداکار بے ہوش پائے گئے جنہیں فوری طور پر اسپتال منتقل کیا گیا جہاں ڈاکٹروں نے ان کو مردہ قرار دیا۔

پولیس کے مطابق اداکار کے کمرے سے کوئی مشکوک چیز نہیں ملی ہے تاہم ان کی موت کی وجوہات سامنے نہیں آسکی ہیں اور حتمی رپورٹ پوسٹ مارٹم کے بعد ہی معلوم ہوگی۔
مزید پڑھیں:حریت کانفرنس نے مقبوضہ کشمیر میں ہڑتال کی کال دیدی