لاہور(اے بی این نیوز)معروف پاکستانی اداکارہ نیلم منیر نہ صرف اپنی خوبصورتی اور اداکاری کے باعث جانی جاتی ہیں بلکہ ان کی حالیہ شادی بھی خبروں کی زینت بنی ہوئی ہے۔
نیلم منیر نے حال ہی میں دبئی میں مقیم محمد رشید سے شادی کی، جو پیشے کے لحاظ سے یو اے ای میں قانون نافذ کرنے والے ادارے سے وابستہ ہیں۔ دونوں کی شادی ایک خوبصورت تقریب میں انجام پائی اور ان کی تصاویر سوشل میڈیا پر وائرل ہو گئیں۔
دلچسپ بات یہ ہے کہ نیلم منیر کی یہ شادی ایک 9 سال پرانی پیشگوئی کو سچ کر گئی۔ 9 سال قبل، نیلم منیر وسیم بادامی کے مشہور پروگرام میں بطور مہمان شریک ہوئیں تھیں۔
اس موقع پر ایک ماہر علم نجوم نے ان کی شادی کے حوالے سے پیشگوئی کی تھی کہ نیلم کی شادی کسی عرب ملک میں ہوگی، اور ممکن ہے کہ ان کا شریکِ حیات کوئی عرب مرد ہو یا پھر ایسا پاکستانی جو مشرقِ وسطیٰ میں مقیم ہو۔
وقت نے یہ بات سچ ثابت کر دی، کیونکہ آج نیلم منیر محمد رشید کے ساتھ خوشگوار ازدواجی زندگی گزار رہی ہیں، جو یو اے ای میں مقیم ہیں۔
اداکارہ ان دنوں دبئی اور پاکستان کے درمیان وقت گزار رہی ہیں اور اپنی ذاتی و پیشہ ورانہ زندگی کو بھرپور انداز میں نبھا رہی ہیں۔
پی ٹی آئی کا احتجاج ، اسلام آباد میں ہائی الرٹ، پولیس ، ایف سی کی اضافی نفری ریڈ زون پہنچ گئی
