نیویارک(نیوزڈیسک) پاکستان نژاد امریکی فنکارہ شازیہ سکندر کا تیار کیا گیا مجسمہ امریکی عدالت ’لیڈی جسٹس‘ کے باہر نصب کردیا گیا۔یہ مجسمہ ’جسٹس‘ کے متعلق خواتین کی طرف سے پہلی پیشکش ہےجسے مین ہٹن میں نیویارک اپیلینٹ کورٹ ہاؤس کے باہر نصب کردیا گیا ہے۔ شازیہ سکندر کا کہنا تھا کہ اس مجسمے کی ثقافتی سطح پر بہت ضرورت تھی کیوں کہ پوری دنیا میں طاقت کی پیشکش کے روایتی انداز میں تبدیلی آرہی ہے۔شازیہ سکندر کا مجسمہ اس حوالے سے بھی اہم ہے کہ امریکہ میں خواتین کے بنیادی حقوق پر بحث جاری ہے کیوں کہ امریکی سپریم کورٹ نے ایبورشن کے آئینی حق کو ختم کردیا تھا۔فنکارہ نے اپنے بیان میں لکھا کہ بطور انصاف خواتین کے تصور کو صدیوں سے پیش کیا جارہا ہے لیکن اسے اپنے حق میں بولنے کی آواز پچھلی صدی میں ملی ہے۔