اسلام آباد (اے بی این نیوز): شاہ رُخ خان کا مداحوں کو عید کی مبارکباد کا پیغام،بالی وڈ کے سپر اسٹار شاہ رُخ خان نے سوشل میڈیا پر اپنے مداحوں کے لیے عید کی مبارکباد کا پیغام شیئر کیا ہے۔
سوشل میڈیا پلیٹ فارم ایکس پر اپنے پیغام میں شاہ رُخ خان نے کہا کہ “دعا ہے سب کی عید خوشیوں، گرمجوشی اور بریانی سے بھرپور ہو، اللہ کی مہربانی سب پر ہو۔” شاہ رُخ خان کی اس عید کی مبارکباد کے پیغام پر مداحوں نے خوشی کا اظہار کیا اور تبصروں کی بھرمار کر دی۔
بھارتی میڈیا کے مطابق، شاہ رُخ خان اس وقت اپنی نئی فلم ‘کنگ’ کی تیاریوں میں مصروف ہیں، جو ایک ایکشن سے بھرپور فلم ہوگی۔ اس فلم کی ہدایت کاری سدھارتھ آندھ کر رہے ہیں، اور اس کی شوٹنگ مئی میں شروع ہونے والی ہے۔ رپورٹس کے مطابق، شاہ رُخ خان نے اس فلم میں اپنے کردار کے تقاضوں کو پورا کرنے کے لیے وزن کم کیا ہے۔
فلم ‘کنگ’ میں شاہ رُخ خان کے ساتھ ان کی بیٹی سہانا خان، ابھیشیک بچن اور ابھے ورما بھی مرکزی کردار ادا کریں گے۔ یہ ایکشن سے بھرپور فلم 2026 میں ریلیز کی جائے گی۔
