ممبئی(نیوزڈیسک)بالی وڈ کی معروف رقاصہ و اداکارہ راکھی ساونت کی والدہ جیا ساونت چل بسیں۔بھارتی میڈیا رپورٹس کے مطابق راکھی کی والدہ میں کینسر اور برین ٹیومر کی تشخیص ہوئی تھی اور طویل عرصے سے موذی مرض سے جنگ لڑ رہی تھیں۔ راکھی کی والدہ ممبئی کے اسپتال میں زیر علاج تھیں جہاں آج وہ چل بسیں۔اداکارہ نے بھارتی میڈیا کو والدہ کے انتقال کی تصدیق کردی ۔راکھی ساونت والدہ کے بے حد قریب تھیں اور ان کی دیکھ بھال کیلئے اسپتال میں رہتی تھیں۔گزشتہ دنوں اداکارہ نے والدہ کا علاج کرانے پر سلمان خان کا شکریہ بھی ادا کیا تھا۔
