پشاور کے علاقے ورسک روڈ پر معروف خاتون ٹک ٹاکر سائیکو ارباب پراسرار طور پر جاں بحق ہوگئی۔ پولیس نے اس کی نعش پوسٹمارٹم رپورٹ کے لیے ہسپتال منتقل کر دی ہے اور مختلف خدشات کے باوجود انکوائری شروع کر دی ہے۔
سائیکو ارباب کی ہلاکت کے حوالے سے ابتدائی طور پر خدشات کا اظہار کیا جا رہا ہے، اور ان کے بھائی محمد یٰسین نے بیان دیتے ہوئے بتایا کہ انہیں اطلاع ملی کہ ان کی بہن سیماگل عرف سائیکو ارباب کی حالت گھر میں بگڑ گئی تھی۔ انہوں نے یہ بھی کہا کہ موت مبینہ طور پر نشہ آور اشیاء کھانے سے ہوئی، لیکن اس کے ساتھ یہ بھی امکان ظاہر کیا کہ ان کی طبعی موت بھی واقع ہو سکتی ہے۔
محمد یٰسین نے یہ واضح کیا کہ ان کی بہن کی کسی کے ساتھ دشمنی نہیں تھی۔ پولیس نے فوری طور پر گھر سے اہم شواہد اکٹھے کرلیے ہیں اور پوسٹمارٹم رپورٹ کا انتظار کر رہی ہے تاکہ موت کی اصل وجہ کا پتہ چل سکے۔
یاد رہے کہ سائیکو ارباب ٹک ٹاک ویڈیوز بناتی تھیں اور ان کی کئی ویڈیوز سوشل میڈیا پر موجود ہیں۔
