ممبئی(نیوز ڈیسک)ہمارے والد کو کینسر ہوگیا ہے۔ ان کا علاج شوکت خانم میں چل رہا ہے۔ یہی زندگی ہے،یہ کہنا ہے مشہور اداکار فردوس جمال کے صاحبزادے حمزہ فردوس کا۔ حمزہ نے اپنے والد کے ساتھ انسٹاگرام پر پوسٹ شئیر کرتے ہوئے مزید لکھا کہ پریشانی والی کوئی بات نہیں ہے کیونکہ میرے والد کے ساتھ ان کے گھر والے، ان کے دوست اور چاہنے والے مداح ہیں۔ میرے والد نے تمام مشکلات کو ہرایا ہے لیکن ابھی انھیں ایک جنگ اور لڑنی ہے۔ انشاءاللہ وہ اس مشکل سے بھی باہر نکل آئیں گے،اسٹوری کے آخر میں حمزہ نے فردوس جمال کے تمام مداحوں سے دعا کی اپیل کرتے ہوئے لکھا کہ میرے والد کو خصوصی طور پر اپنی دعاؤں میں یاد رکھیے گا۔
