لاہور(نیوز ڈیسک) پاکستانی فلم انڈسٹری کیلئے تاریخ ساز لمحہ ہے کہ پاکستانی انیمیٹڈ فلم’ دی کرونیکلز آف عمر و عیار، کی نمائش کینز فلم فیسٹیول میں ہوگی۔ کینز فلم فیسٹیول میں نمائش کے ساتھ ’ دی کرونیکلز آف عمر و عیار، پاکستان کی پہلی تھری ڈی انیمیٹڈ فلم بن گئی جسے انٹرنیشنل فیسٹیول میں ملک کی نمائندگی کا موقع ملا ہے۔
مزید پڑھیں: اسلام آباد، شدید گرمی کی لہر ،سکولوں کے اوقات کار تبدیل،نیا شیڈول جاری
فلم کو کراچی کے انجینیو ٹی پروڈکشن ہائوس نے بنایا ہے اور یہ کلاسیکی کہانی طلسم ہوشربا سے متاثر ہوکر بنائی گئی ہے۔ ’ دی کرونیکلز آف عمر و عیار، میں جادوئی دنیا کے اندر لیجنڈری عمرو عیار کے مختلف ایڈوینچرز کو فلمایا گیا ہے جس میں جادوئی دنیا ناظرین پر الگ ہی اثر ڈالتی ہے۔
کینز فلم فیسٹیول میں نمائش پر انجینیو ٹی پروڈکشن نے خوشی اور مسرت کا اظہار کرتے ہوئے اسے ایک تاریخی لمحہ قرار دیا ہے۔
