لاہور ( نیوز ڈیسک )پاکستان کےمشہور یوٹیوبر سعد رحمٰن المعروف ڈکی بھائی کی اہلیہ عروب جتوئی بھی ڈیپ فیک ویڈیو کا شکار ہوگئی ہیں، ڈکی بھائی نے اس گندی حرکت کرنیوالے کی شناخت کیلئے بھاری انعام کا اعلان کیا ہے۔
مزید پڑھیں: ٹانک ، سکیورٹی فورسز کا آپریشن ، چار دہشت گرد ہلاک
۔ مداحوں کو ڈکی بھائی کے روزانہ کے فیملی ولاگز پسند ہیں۔ ڈکی کی اہلیہ عروب جتوئی بھی سوشل میڈیا پر فعال ہیں اور مشہور شخصیت بن چکی ہیں۔ عر وب جتوئی کو ڈکی کے صارفین کی ایک بڑی تعداد پسند کرتی ہے۔
لیکن حال ہی میں، یہ جوڑا ڈیپ ویڈیو لیک اسکینڈل کا شکار ہوگیا ہے۔ کسی نے عروب جتوئی کی ڈیپ فیک ویڈیو بنا کر انٹرنیٹ پر پوسٹ کر دی ہے ،جو سوشل میڈیا پلیٹ فارمز پر وائرل ہوگئی ہے۔
اس انکشاف کے بعد ڈکی بھائی نے فوری ایکشن لیا۔ یہی نہیں بلکہ ڈکی نے یہ بھی بتایا کہ ڈیپ فیک ویڈیو کیسے بنائی گئی۔عروب جتوئی نے اس حوالے سے کہا کہ میں اس مسئلے پر بات کرنے کیلئے کیمرے کے سامنے آئی تھی، کیونکہ میں چاہتی تھی کہ دوسری لڑکیاں بھی اس طرح کے سائبر کرائمز سے محفوظ رہیں۔
ڈکی بھائی اور انکی اہلیہ نے اپنی ویڈیو شائع کرنے کے حوالے سے درپیش دھمکیوں کے بارے میں بھی بتایا۔ڈکی نے اس شخص کیلئے 10 لاکھ روپے کا اعلان بھی کیا ہے جو ان کی بیوی کی ڈیپ فیک ویڈیو بنانے والے شخص کو ڈھونڈنے میں انکی مدد کریگا۔
