ممبئی ( نیوز ڈیسک ) اتوار کی صبح باندرہ میں بالی ووڈ سپر اسٹار سلمان خان کے ممبئی کے گھر کے قریب فائرنگ کی آواز آئی۔واقعے کی تفصیلات کے مطابق صبح تقریباً 4 بج کر 51 منٹ پر
مزید پڑھیں:اداکارہ میرا شوٹنگ کے دوران بری طرح زخمی ہوگئیں،بازو ٹوٹ گیا
موٹرسائیکل پر سوار دو نامعلوم افراد نے تیز رفتاری سے فرار ہونے سے قبل اداکار کی رہائش گاہ کی طرف کئی گولیاں چلائیں۔ممبئی پولیس نے اس واقعے کے ذمہ داروں کو پکڑنے کے لیے تحقیقات کا آغاز کر دیا ہے۔ ایک فرانزک ٹیم کو فوری طور پر جائے وقوعہ پر روانہ کیا گیا تاکہ شواہد اکٹھے
کیے جائیں جن میں دیوار اور گیٹ پر گولیوں کے نشانات بھی شامل ہیں۔ گزشتہ مارچ میں، ممبئی پولیس نے سلمان خان کے دفتر کو بھیجے گئے دھمکی آمیز ای میل کے بعد لارنس بشنوئی اور گولڈی برار
کے خلاف فرسٹ انفارمیشن رپورٹ (ایف آئی آر) درج کی تھی۔اس طرح کے سیکیورٹی خطرات کی روشنی میں، سلمان خان کی سیکیورٹی کی تفصیلات کو نومبر 2022 میں Y-Plus اسٹیٹس میں اپ
گریڈ کیا گیا تھا، اور انہیں ذاتی آتشیں اسلحہ لے جانے کی اجازت دی گئی تھی۔پریشان کن واقعے پر بالی ووڈ اداکارہ پوجا بھٹ نے سلمان خان کے ممبئی گھر کے باہر فائرنگ پر شدید ردعمل کا اظہار
کرتے ہوئے کہا کہ یہ خوفناک اور قابل مذمت ہے۔شیوسینا (یو بی ٹی) کے سربراہ آنند دوبے نے ریمارکس دیے، سلمان خان ہوں یا عام شہری، ممبئی اور مہاراشٹر میں تحفظ کا احساس کم ہوتا جا رہا ہے۔
