ممبئی (نیوزڈیسک)بھارتی گلوکار کیلاش خیر نے دریائے گنگا میں کود کر خودکشی کرنے کی کوشش کا انکشاف کیا ہے۔
کیلاش خیر نے بھارتی میوزک انڈسٹری کا حصّہ بننے سے پہلے اپنی زندگی میں بہت مشکل مالی حالات کا سامنا کیا ہے۔
اُنہوں نے اپنے ایک انٹرویو میں بتایا کہ میں نے پیسے کمانے کے لیے مختلف کام کیے جب میں 20 یا 21 سال کا تھا تو میں نے دہلی میں ایکسپورٹ کا کاروبار شروع کیا اور میں دستکاری کا سامان جرمنی بھیجتا تھا۔
بھارتی گلوکار نے بتایا کہ بدقسمتی سےاچانک اس کاروبار میں کئی مسائل سامنے آنے کے بعد میرا وہ کاروبار ڈوب گیا جس کے بعد میں ’پنڈت‘ بننے کے لیے رشیکیش چلا گیا۔
اُنہوں نے بتایا کہ رشیکیش میں مجھے یہ محسوس ہونے لگا کہ میں’پنڈت‘ نہین بن سکتا کیونکہ میرے ساتھی مجھ سے چھوٹے تھے اور میرے خیالات ان سے ہمیشہ مختلف رہتے تھے، یوں ہر چیز میں ناکام ہونے کے بعد میں افسردہ تھا چنانچہ ایک دن میں نے دریائے گنگا میں چھلانگ لگا کر خودکشی کرنے کی کوشش کی۔
مزیدپڑھیں:لطیف کھوسہ کی حکومت کو بڑی دھمکی
کیلاش خیر نے بتایا کہ گنگا کے پاس گھاٹ پر موجود ایک شخص نے فوراً دریا میں چھلانگ لگا کر مجھے بچا لیا اور کہا کہ تیرنا نہیں آتا تو اندر کودے کیوں تھے؟ جس پر میں نے اُنہیں جواب دیا کہ میں مرنے کے لیے دریا میں کودا تھا تو یہ جاننے کے بعد اُنہوں نے میرے سر پر تھپڑ مارا۔
اُنہوں نے مزید بتایا کہ اس دن کے بعد میں نے دوبارہ کبھی خودکشی کرنے کی کوشش نہیں کی اور اپنی زندگی میں کامیابی کا سفر طے کرنا شروع کردیا۔
