لاہور(نیوزڈیسک) لیجنڈری پاکستانی گلوکارہ شازیہ منظور نے جگت پر لائیو شو کے دوران طیش میں آکر کامیڈین شیری ننھا پر تھپڑوں کی بارش کردی، شازیہ منظور نے کامیڈین کو تھپڑ مارتے ہوئے کہا کہ میں نے پچھلی بار بھی ان کی نامناسب جگت کو مذاق کہہ کر عوام کے سامنے پیش کیا تھا لیکن اس بار ایسا گھٹیا مذاق برداشت کرنے کے موڈ میں نہیں ہوں،
، آپ خواتین کے ساتھ اس طرح کی بات کیسے کرسکتے ہیں؟گلوکارہ نے کامیڈین کو تشدد کا نشانہ بناتے ہوئے کہا کہ تم مجھ سے ‘ہنی مون’ کی بات کررہے ہو ، تم ہوتے کون ہو مجھ سے ایسی بات کرنیوالے ، تم خواتین سے اس طرح بات کرتے ہو؟ تمہیں شرم نہیں آتی؟
شازیہ منظور کا غصہ دیکھ کر میزبان محسن عباس حیدر نے کامیڈین شیری سے کہا کہ تم اپنے پاس سے جگتیں کیوں مارتے ہو؟ تمہیں کتنی بار بولا کہ جو اسکرپٹ میں لکھا ہو صرف وہی بولا کرو۔محسن عباس حیدر کی بات سُن کر کامیڈین شیری نے روتے ہوئے کہا کہ گلوکارہ غصہ کر گئی ہیں، اُن کو معلوم ہے کہ میں ایک آرٹسٹ ہوں، پھر بھی اس طرح غصہ کررہی ہیں۔شو کے میزبان اور دیگر کامیڈین بھی گلوکارہ شازیہ منظور کو پُرسکون کرنے کی کوشش کرتے رہے لیکن اُن کا غصہ کم نہیں ہوا۔
کچھ صارفین نے کہا کہ گلوکارہ نے بالکل ٹھیک کیا جبکہ کچھ صارفین کا کہنا تھا کہ انہیں کامیڈین شیری ننھا کی عزت کرنی چاہیے تھی۔شو کے تخلیق کار جان بوجھ کر ریٹنگ اور ویوز کے لیے ایسا مواد شامل کرتے ہیں کیونکہ اب یہ کلپ وائرل ہوجائے گا۔
