بمبئی (نیوزڈیسک)معروف شاعر منور رانا انتقال کرگئے ، منور رانا کی بیٹی سمیعہ رانا کے مطابق ان کے والد کو تشویشناک حالت کے سبب وینٹی لیٹر پر رکھا گیا تھا جہاں وہ جان کی بازی ہار گئے ۔بیٹی سمیعہ کا کہنا ہے کہ ان کے والد کا انتقال گزشتہ شب رات بارہ بجے ہواجبکہ ان کی تدفین آج کی جائے گی۔ سمیعہ رانا نےقبل ازیں ایک ویڈیو میں بتایا تھا کہ ان کے والد کی طبیعت گزشتہ دو تین روز سے خراب ہے، ڈائیلیسز کے دوران انہیں پیٹ میں شدید درد ہوا، ڈاکٹروں نے سی ٹی اسکین کیا اور ان کے پتے میں کچھ مسئلہ پایا ۔ منور رانا گردوں کی بیماری کے علاوہ دل کے عارضے میں مبتلا لکھنؤ کے ایک ہسپتال میں داخل تھے، اس سے پہلے وہ گردے اور دل کے عارضے میں مبتلا تھے، منور رانا نے پسماندگان میں بیوہ، بیٹے اور 4 بیٹیوں کو سوگوار چھوڑا ہے۔منور رانا مشاعروں کی جان تھے، منور رانا کی بعض غزلوں نے دنیا بھر میں داد پائی، ان کو ان کی نظم ’شہدبا‘ کیلئے 2014 میں ساہتیہ اکاڈمی ایوارڈ سے نوازا گیا جب کہ ان کی نظم ’ماں‘ کو مشہور نظموں میں شمار کیا جاتا ہے۔