کیلیفورنیا(اے بی این نیوز)گوگل نے ایک ایسا کوانٹم کمپیوٹر تیار کرلیا جو پلک جھپکتے اتنا کثیف حساب کتاب کرسکتا ہے جس کو کور کرنے میں بہترین سپر کمپیوٹر کو بھی 47 برس کا عرصہ لگ سکتا ہے۔گوگل محققین کی تحقیق میں دعویٰ کیا گیا ہے کہ کمپنی کی تازہ ترین ٹیکنالوجی موجودہ سُپر کمپیوٹر کی صلاحیتوں سے بہت زیادہ جدید ہے۔کوانٹم کمپیوٹر کے ماہرین کے مطابق کوانٹم فزکس کی ایک مخصوص قسم پر منحصر یہ ٹیکنالوجی انتہائی طاقتور مشینیں بنا سکتی ہے جو موسمیاتی تغیر اور ادویات کے بنائے جانے میں کردار ادا کرسکتا ہے۔ البتہ، یہ کمپیوٹر آج کے اِنکرپشن نظاموں کو نقصان پہنچا کر قومی سلامتی کیلئے خطرہ بن سکتے ہیں۔چار سال قبل گوگل کا ’کوانٹم سپریمیسی‘ حاصل کرنے والی پہلی کمپنی ہونے کا اعلان سامنے آیا تھا۔جس کے جواب میں گوگل کی حریف کمپنیوں کا کہنا تھا کہ گوگل اپنی مشین اور روایتی سپر کمپیوٹر کے درمیان فرق کے حوالے سے مبالغہ آرائی کر رہا ہے۔ArXiv میں شائع ہونے والے کمپنی کے نئے مقالے میں ایک اور طاقتور ڈیوائس کو پیش کیا گیا تاکہ عرصے سے جاری اس بحث کو ختم کیا جاسکے۔2019 کی مشین میں 53 کیوبِٹ تھے جبکہ اب کی ڈیوائس میں 70 کیوبِٹ پر مشتمل ہے۔