واشنگٹن(نیوز ڈیسک) گوگل ریجنل ڈائریکٹرفار پاکستان،بنگلہ دیش،سری لنکا فرحان قریشی نے کہا کہ گوگل نے پاکستان میں پہلی ایپ گروتھ لیب کا آغاز کردیا، ایپ ڈیولپرز اس سے مستفید ہوسکیں گے۔تفصیلات کے مطابق گوگل گروتھ لیب پروگرام ایپ ڈیولپرز، اسٹوڈیوز اور کمپنیوں کی نشاندہی کرے گا، گروتھ لیب پاکستانی ایپ ڈیولپرز کو گوگل ماہرین کے تجربے سے مستفید ہونے کا موقع فراہم کرے گا، گوگل ریجنل ڈائریکٹرفار پاکستان،بنگلہ دیش،سری لنکا فرحان قریشی کے مطابق پاکستانی ڈیولپرز کے لئے ایپ لیب پروگرام شروع کرنے پر مسرت ہے،پروگرام مقامی ڈیولپرز کی ایپس کو عالمی رسائی فراہم کرے گا۔گروتھ لیب پروگرام سے دنیا کے لئے بہترین ایپ تیار کرنے کا پاکستانی ایکوسسٹم مرتب کرنا مقصود ہے،چار مہینے دورانیہ پر مشتمل پروگرام رواں سال جون میں شروع ہوگا ۔
