لاہور(اے بی این نیوز) ایم جی موٹرزنے اسمارٹ الیکٹرک موٹر گاڑی ’’ ایم جی کومیٹ ‘‘ متعارف کرا دی ہے ۔ یہ کارایشیا میں سب سے سستی الیکٹرک کار ہوگی۔ایم جی موٹرزنے چھوٹی الیکٹرک کار ایم جی کامیٹ کے انٹیریئر کا ٹیزر جاری کردیا۔ اس ٹیزر میں کار کے انٹیریئر کا نظارہ پیش کیا گیا ہے۔ نئی الیکٹرک کار سیملیس کنیکٹیویٹی کے ساتھ آتی ہے اور اسے انٹیلیجنٹ ٹیک ڈیش بورڈکا نام دیا گیا ہے۔ایم جی کامیٹ میں 10.25 انچ کی ہیڈ یونٹ اور 10.25 انچ کے ڈیجیٹل انسٹرومنٹ کنسول کے ساتھ فلوٹنگ وائیڈ اسکرین سیٹ اپ ہے۔ گاڑی میں وائس کمانڈ جیسے کئی ای ذی کنٹرولز بھی شامل ہیں۔ کومیٹ کار مارکیٹ کی سب سے چھوٹی الیکٹرک کار ہے۔ جس کی قیمت تقریباً 25 لاکھ روپے کے آس پاس توقع کی جارہی ہے۔ یہ کار ایشیا میں سب سے سستی الیکٹرک کار ہوگی۔ماہرین اس کا مقابلہ Tata Tiago EV اور Citroen eC3 زیرو ایمیشن ہیچ بیک سے کررہے ہیں۔ ایم جی کامیٹ ای وی بین الاقوامی مارکیٹوں میں فروخت ہونے والی کولنگ ایئر ای وی پر مبنی ہے اور دونوں پلیٹ فارم اور ڈا ئی مینشن کو شیئر کریں گی۔ ایم جی کامیٹ ای وی شہری صارفین کے لئے بہترین ہے اور ایک ہی چارج پر تقریباً 300 کلومیٹر کی ڈرائیونگ رینج آفر کی جائے گی۔