جدہ (نیوزڈیسک)صدر برائے امور حرمین شریفین الشیخ ڈاکٹر عبدالرحمٰن بن عبدالعزیز السدیس نےضیوف الرحمن اور اعتکاف میں بیٹھنے والوں کی خدمت کے طور پر موبائل ڈیوائسز کو چارج کرنے کیلئے موبائل چارجنگ پلیٹ فارم کا افتتاح کیا ۔خانہ کعبہ کے غلاف اور انجینئرنگ، تکنیکی اور آپریشنل امور کیلئے شاہ عبدالعزیز کمپلیکس کے اسسٹنٹ انجینئر سلطان بن عاطی القرشی نے وضاحت کی کہ یہ پلیٹ فارم ’ایل ای ڈی‘ اسکرین سے لیس ایک فکس چارجنگ پلیٹ فارم ہے۔اسکرین پر چارجرز کے استعمال کا طریقہ دکھایا جاتا ہے اور اس میں تین کیبلز سے لیس متعدد موبائل چارجرز ہیں جو تمام سمارٹ ڈیوائسز کو فاسٹ چارجنگ ٹیکنالوجی کے ساتھ چارج کرنے میں معاونت کرتے ہیں۔
