واشنگٹن (اے بی این نیوز    ) امریکہ میں ٹک ٹاک کے زیر عتاب آنے کے بعد اس کی پیرنٹ کمپنی بائٹ ڈانس کے 39 سالہ بانی ژینگ ژی منگ کی دولت میں 13 ارب ڈالر کی کمی آئی ہے۔بلومبرگ بلینیئرز انڈیکس کے مطابق ٹک ٹاک کی مارکیٹ ویلیو 220 ارب ڈالر ہے اور شیئرز کے اعتبار سے اس کے بانی کے اثاثے تقریباً 42.3 ارب ڈالر بنتے ہیں جو ستمبر کے اندازوں سے 13 ارب ڈالر کم ہیں۔ٹک ٹاک کے سی ای او شو چیو کی گزشتہ ہفتے امریکی کانگریس کے سامنے گواہی نے امریکی سیکورٹی خدشات کو دور کرنے کے لیے زیادہ کارگر ثابت نہیں ہوسکی۔ انہوں نے اپنی گواہی میں بتایا کہ بائٹ ڈانس کے بانی کمپنی کے تقریباً 20 فیصد کے مالک ہیں ۔