نیویارک( نیوزڈیسک) فیس بک، انسٹاگرام،تھریڈز اور واٹس ایپ چلانے والی میٹا کمپنی کے چیف ایگزیکٹو مارک زکربرگ دنیا بھر میں آن لائن مصنوعات بیچنے والی کمپنی ایمازون کے بانی جیف بیزوز کو پیچھے چھوڑ کر دنیا کے دوسرے امیر ترین شخص بن گئے۔
رپورٹ کے مطابق بلومبرگ بلین ائیر انڈیکس کی رپورٹ میں بتایا گیا ہے کہ مارک زکربرگ کے اثاثوں کی مالیت 252 ارب ڈالرز تک پہنچ گئی ہے جبکہ جیف بیزوز 249 ارب ڈالرز کے مالک ہیں جبکہ ایلون مسک 402 ارب ڈالرز کے ساتھ دنیا کے امیر ترین شخص ہیں۔
مارک زکربرگ میٹا کے 12.8 فیصد شیئرز کے مالک ہیں اور ان کی دولت میں اضافے یا کمی انحصار بھی کمپنی کے شیئرز پر ہے۔ واضح رہے کہ مارک زکربرگ کچھ عرصے قبل دنیا کے امیر ترین افراد کی فہرست میں کافی نیچے چلے گئے تھے، 2022 میں میٹا اور اسکی تیاری کیلئے پرعزم ہیں
مارک زکربرگ کو بہت زیادہ مالی نقصان ہوا تھا۔مگر 2023 میں مارک زکربرگ نے اپنی توجہ حقیقی دنیا پر مرکوز کرتے ہوئے میٹا پلیٹ فارم کے اخراجات میں کمی لانے کے لیے اقدامات کیے جبکہ آرٹی فیشل انٹیلی جنس (اے آئی) ٹیکنالوجی پر زیادہ کام کیا۔
یہ اقدامات کمپنی کیلئے اب تک بہتر ثابت ہوئے ہیں۔2024 بھی دولت کے لحاظ سے مارک زکربرگ کے لیے بہت اچھا سال ثابت ہوا تھا تاہم 2025 کے دوران مارک زکربرگ کی دولت میں 44.4 ارب ڈالرز کا حیران کن اضافہ ہوا ہے، درحقیقت ابھی تک وہ اس سال سب سے زیادہ کمانے والے فرد ہیں۔ یہ بھی پڑھیں:تخت بھائی،بدھ مت کے آثارقدیمہ کی پہاڑی پر آگ بھڑک اٹھی
23 سالہ لڑکی شادی تقریب میں ڈانس کرتے ہوئے دل کا دورہ پڑنے سے ہلاک
