پشاور (نیوزڈیسک) گزشتہ 3 ماہ میں لیڈی ریڈنگ ہسپتال سے ایل آر ایچ کے 3 اسسٹنٹ پروفیسرز نے استعفیٰ دیا، مستعفی ڈاکٹروں میں انچارج شعبہ پیڈیاٹرک کارڈیک سرجری ڈاکٹر طارق سہیل بھی شامل ہیں۔ 3 ماہ میں لیڈی ریڈنگ ہسپتال کے 3 اسسٹنٹ پروفیسرز مستعفی ہو گئے۔ذرائع کا کہنا ہے کہ انچارج شعبہ ای این ٹی ڈاکٹر طاہر محمد اور انچارج شعبہ پیڈ سرجری ڈاکٹر فاروق عبداللّٰہ بھی مستعفی ہو گئے ۔ڈاکٹر طارق سہیل صوبے بھر میں بچوں کے واحد پیڈیاٹرک کارڈیک سرجن تھے۔اس حوالے سے ڈاکٹر طارق کا کہنا ہے کہ معاشی بحران، ہیلتھ کارڈ بندش، آئی سی یو میں ادویات کی عدم فراہمی کے باعث استعفیٰ دیا۔ڈاکٹر فاروق عبداللّٰہ نے کہا کہ 2021ء میں بیرون ملک نوکری کو چھوڑ کر ایل آر ایچ میں ڈیوٹی شروع کی،ہسپتال میں سرجیکل آلات، ادویات کی کمی اور تنخواہوں میں تاخیر کے باعث استعفیٰ دیا۔