اسلام آباد( نیوزڈیسک) بجلی کی قیمت میں ایک بار پھر اضافہ کا امکان، عوام پر40 ارب کا اضافی بوجھ ڈالنے کی تیاریاں،۔نجی ٹی وی رپورٹ کے مطابق بجلی قیمت میں 3 روپے 53 پیسے فی یونٹ اضافے کا امکان ۔قیمت میں اضافہ اکتوبر 2023ء کی ماہانہ فیول ایڈجسٹمنٹ کی مد میں مانگا ، جس پر نیشنل الیکٹرک پاور ریگولیٹری اتھارٹی (نیپرا) نے سی پی پی اے کی درخواست پر آج سماعت کی۔فیول پرائس اور بقایا جات کی مد میں سی پی پی اے کی درخواست پر بجلی کی قیمت میں من و عن اضافے کی صورت میں جی ایس ٹی سمیت بجلی صارفین پر تقریباً 40 ارب روپے کا اضافی بوجھ پڑے گا۔نیپرا کے مطابق سی پی پی اے کی درخواست پر سماعت مکمل ہو چکی ہے۔ اعداد و شمار کا جائزہ لینے کے بعد فیصلہ جاری کیا جائے گا۔