کراچی ( نیوزڈیسک)پاکستانی معیشت میں بہتری کے اثرات مرتب ہونے لگے،، سرمایہ کاروں کا اعتماد بحال ہوتے ہی سٹاک مارکیٹ میں زبردست تیزی دیکھنے کو ملی۔کاروباری ہفتے کے دوسرے روز آغاز پر ہی سٹاک ایکسچینج ملکی تاریخ کی بلند ترین سطح پر پہنچ گئی۔پاکستان سٹاک مارکیٹ میں 681 پوائنٹس اضافے کے ساتھ 100 انڈیکس 60 ہزار 492 پوائنٹس کی سطح پر ٹریڈ کر رہا ہے۔واضح رہے کہ گزشتہ کاروباری روز کے اختتام پر سٹاک مارکیٹ میں 725 پوائنٹس اضافے کے بعد 100 انڈیکس 59 ہزار 811 پوائنٹس کی سطح پر بند ہوا تھا۔