اسلام آباد(نیوزڈیسک)عالمی مارکیٹ میں پٹرولیم کی گرتی ہوئی قیمتوں کے باعث پاکستان میں بھی مہنگائی سے تنگ عوام کو بڑا ریلیف ملنے کا امکان۔ اوگرا ذرائع کے مطابق پٹرولیم مصنوعات7 روپے تک سستی ہونے کا امکان ۔اوگرا نے قیمتوں میں رد و بدل کے حوالے سے ورکنگ کا آغاز کردیا، اوگرا کی طرف سےتیار سمری میں پٹرولیم مصنوعات سستی ہونے کا امکان ہے، جس کے تحت پٹرول کی قیمت میں 7 روپے فی لیٹر اور ڈیزل کی قیمت میں 6 روپے فی لیٹر کمی متوقع ہے۔دوسری جانب آئل مارکیٹنگ ایسوسی ایشن نے ہفتہ وار پٹرولیم مصنوعات کی قیمتیں مقرر کرنے کو مسترد کردیا، اس ضمن میں چیئرمین آئل مارکیٹنگ ایسوسی ایشن و آئل مارکیٹنگ ایسوسی ایشن طارق وزیر علی نے وزارت پٹرولیم اور چئیرمن اوگرا کو خط لکھ دیا ہے۔