لاہور(نیوزڈیسک)پاکستانی ٹیم کے بولنگ کوچ مورنی مورکل نے عہدے سے استعفیٰ دیدیا۔پی سی بی کی جانب سے تصدیق بھی سامنے آگئی ، پی سی بی کے مطابق مورنی مورکل نے لیگز میں مصروفیت کی وجہ سے عہدے سے استعفیٰ دیا۔تاہم مورنی مورکل کو دورہ آسٹریلیا تک ٹیم کے ساتھ کام کرنا تھا۔مورنی مورکل کا پی سی بی کے ساتھ چھ ماہ کا معاہدہ ہوا تھا، مورنی مورکل نے لیگز میں مصروفیت کے باعث طویل معاہدہ نہیں کیا تھا۔بھارت میں جاری ورلڈکپ میں پاکستان کا سفر پانچویں پوزیشن کے ساتھ اختتام پذیر ہو چکا اور اب قومی کھلاڑیوں کی ٹولیوں کی صورت میں وطن واپسی کا سفر جاری ہے۔ورلڈکپ میں بیٹرز کے ساتھ ساتھ قومی ٹیم کا بولنگ اٹیک بھی بری طرح ناکام ثابت ہوا اور پاکستان کرکٹ بورڈ کی جانب سے قومی ٹیم کا پوسٹ مارٹم کئے جانے کا امکان ہے۔مورنی مورکل کی جگہ قومی ٹیم کے سابق فاسٹ بولر عمر گل کو بولنگ کوچ کی ذمہ داریاں ملنے کا امکان ہے۔
