اسلام آباد (نیوزڈیسک) محکمہ موسمیات نے ملک کے بالائی علاقوں میں بارش اور برفباری کی پیشگوئی کر دی،محکمہ موسمیات کی رپورٹ کے مطابق 6 سے 7 نومبر کو بلوچستان کے بیشتر اضلاع میں تیز ہواؤں کے ساتھ درمیانی بارش جبکہ 8 سے 9 نومبر کو ملک کے بالائی علاقوں میں تیز ہواؤں اور گرج چمک کے ساتھ بارش کا امکان ہے، پہاڑی علاقوں میں برفباری بھی متوقع ہے۔محکمہ موسمیات نے شمالی علاقہ جات میں جانے والے سیاحوں کو بارش کے دوران محتاط رہنے اور تمام متعلقہ اداروں کو بھی الرٹ رہنے کی ہدایت جاری کردی۔
