لاہور(نیوزڈیسک)پنجاب میں آٹے کا بحران اچانک ختم، نجی گندم مارکیٹ کریش کرگئی، ذرائع کے مطابق وزیراعلیٰ پنجاب چوہدری پرویز الٰہی کی جانب سے سرکاری کوٹے میں اضافے کے اعلان کیساتھ ہی گندم کی فی من قیمت میں 1200روپے تک کی کمی آگئی ،دوسری جانب روس اور یوکرائن سے بھی گندم کے بحری جہاز پاکستان پہنچ گئے
گندم کے جہاز پاکستان پہنچتے ہی 5400 والی گندم کھلی منڈی میں 4200 روپے من پرپہنچ گئی ،آٹا ،میدہ ،فائن کی قیمتوں میں بھی واضح کمی کا امکان جبکہ چکی آٹا بھی 15 سے 20 روپے فی کلو کم ہونے کا امکان ہے۔اس کے علاوہ سیکرٹری خوراک نے بتایا کہ آج صوبے میں آٹا ذخیرہ اندازوں کے خلاف کریک ڈاؤن ہو گا، کسی کو قیمت بڑھانے یا قلت نہیں کرنے دیں گے، آٹے کی قیمتوں میں کمی کےلیے بڑا آپریشن کرنا ہو گا۔