لاہور(نیوزڈیسک)ملک بھر میں بجلی چوروں کیخلاف کریک ڈائون،دوران کارروائی دس ہزار افراد گرفتار جبکہ 26 بلین سے زائد جرمانہ وصول کیا گیا۔ بجلی چوری میں ملوث 53 ملازمین معطل کردیئے گئے ۔ ماہ اکتوبر کے اعداد وشمار کے مطابق آپریشن کے دوران 4497ملین وصول اور 4026 مجرمان گرفتار کرلیا ۔ گیپکو نے251 ملین پاکستانی روپے وصول اور 1001 مجرمان گرفتار کئے۔فیسکو نے آپریشن کے دوران 377 ملین روپے وصولی کا تخمینہ لگایا اور 1258 افراد گرفتار کئے۔آئیسکو نے کریک ڈاؤن کے دوران 139 افراد کو گرفتار کیا جبکہ 220 ملین روپے وصول کیے۔میپکو نے بجلی چوروں سے 981 ملین جبکہ پیسکو نے 3747 ملین روپے جرمانہ وصول کیا۔ ہیسکو نے 3083 ملین، سیپکو نے 2007 ملین اور قیسکو نے 593 ملین روپے جرمانہ وصول کیا۔آپریشن کے دوران میپکو نے 1905، پیسکو نے 1215، ہیسکو نے 48، سیپکو نے 98اور قیسکو نے 32مجرمان گرفتار کئے۔