اسلام آباد(نیوزڈیسک) پیٹرولیم مصنوعات کی قیمتوں میں آئندہ ماہ یکم نومبر سے مزید کمی کا امکان ہے۔ عالمی مارکیٹ میں خام تیل کی قیمت میں فی بیرل 5 ڈالر کمیکے بعد پاکستان میں بھی بڑی کمی متوقع ہے آئندہ ماہ پیٹرول کی قیمت میں 15 سے 20 روپے فی لیٹر کمی جبکہ ہائی سپیڈ ڈیزل کی قیمت میں بھی 10 سے 16 روپے کی فی لیٹر کمی متوقع ۔ لائٹ ڈیزل آئل اور مٹی کا تیل بھی سستا ہونے کا امکان ہے ، سرکاری کمپنی اوگرا نے پیٹرولیم قیمتوں کا ابتدائی مسودہ تیار کر لیا ۔پیٹرولیم قیمتوں میں کمی کی حتمی سمری 31 اکتوبر کو پیٹرولیم ڈویژن کو ارسال کی جائے گی۔سمری وزارت پیٹرولیم اور وزارت خزانہ ردو بدل کرکے وزیراعظم کو بھیجیں گے جس کے بعد نگران وزیراعظم انوار الحق کاکڑ حتمی قیمتوں کا فیصلہ کریں گے۔