اسلام آباد ( اے بی این نیوز  )ہفتہ وار بنیادوں پر مہنگائی کی شرح میں 0.33 فیصد کی کمی واقع ہو گئی،سالانہ بنیادوں پر مہنگائی کی شرح 29.65 فیصد ریکارڈ کی گئی،ادارہ شماریات کے جاری کردہ اعداد وشمار کے مطابق مہنگائی کے ہفتہ وار اعدادوشمار جاری کر دیے گزشتہ ہفتے میں 14 اشیا ضروریہ کی قیمتوں میں اضافہ ہوا،17 اشیاء کی قیمتوں میں کمی،20 کی قیمتیں مستحکم رہیں،گزشتہ ہفتے ٹماٹر فی کلو 23 روپے مہنگے ہوئے،آلو کی فی کلو قیمت میں 3 روپے کا اضافہ ہوا،گزشتہ ہفتے انڈے فی درجن 5 روپے مہنگے ہوئے،800 گرام نمک ایک روپے،لہسن فی کلو 4 روپے مہنگا ہوا،دال ماش، دال چنا دال مسور کی قیمتوں میں اوسطا 8روپے فی کلو کمی ہوئی،چکن 36روپے، ایل پی جی سلینڈر پچاس روپے، چینی تین روپے فی کلو سستی ہوئی گزشتہ ایک ماہ میں آٹے کا بیس کلو تھیلہ میں45 روپے کمی ہوگئی، چاول، پیاز، چینی، گڑ اور کیلے کی قیمتوں میں بھی کمی ہوگئی۔