لاہور(نیوزڈیسک) سی ٹی ڈی کا پنجاب کے مختلف شہروں میں دہشتگردی کے خدشات کے پیش نظر 157 انٹیلی جنس بیسڈ آپریشن ، 9 دہشتگرد گرفتار کرلیے۔ترجمان کاونٹر ٹیررزم ڈیپارٹمنٹ (سی ٹی ڈی ) کے مطابق کارروائیاں لاہور ، فیصل آباد، ننکانہ صاحب ، رحیم یار خان ، شیخوپورہ اور راولپنڈی میں کی گئیں ، لاہور کے سرحدی گاوں سے داعش کے 2 اہم کمانڈرز بھی گرفتار کئے گئے ہیں۔ دہشتگردوں کے قبضے سے بارودی مواد ، 12 ڈیٹو نیٹرز، پرائما کارڈ، موبائل فون، اسلحہ اور نقدی برآمد کی گئی ہے۔ترجمان کاکہنا ہے کہ دہشت گردوں کی شناحت روف، زبیر، ضیا، وقار، امین، مسعود، سرفراز، حمید خان اور شاہد کے نام سے ہوئی ہے۔ترجمان سی ٹی ڈی کا کہنا ہے کہ دہشت گرد اہم تنصیبات پر حملے کی منصوبہ بندی کر رہے تھے ، دہشت گردوں کے خلاف مقدمات درج کرکے مزید تفتیش جاری ہے۔