پشاور (نیوزڈیسک)پشاور میں بی آر ٹی بسوں کی توڑ پھوڑ ، ملزمان کی تاحال شناخت نہ ہوسکی ۔ ذرائع کے مطابق بی آر ٹی بسوں کے شیشے توڑنا منچلوں کا کھیل بن گیا، چند ماہ میںایک سوسے زائد شیشے توڑ ڈالے لیکن پولیس شیشے توڑنے والوں کی شناخت نہیں کرسکی ۔ ذرائع کے مطابق بی اآرٹی بسوں کی حفاظت کیلئے کوئی موثر نظام موجود نہیں نہ ہی کیمرے ہی نصب کئے گئے ہیں کیمروں کی عدم موجودگی ملزمان کی شناخت میں رکاوٹ بن گئی۔بی آر ٹی انتظامیہ کے مطابق گزشتہ کئی مہینوں میں 100 سے زائد بسوں کے شیشوں کو توڑ دیا گیا ہے،جس میں اکثر بچے ملوث ہوتے ہیں۔ملزمان کی عدم گرفتاری میں شناخت سمیت کئی مسائل شامل ہیں۔شہری بھی بی آر ٹی بسوں پر پتھراؤ پر نالاں ہیں، ان کا کہنا ہے کہ بی آر ٹی ہماری ہیں اور شیشے توڑنے سے قوم کا ہی نقصان ہورہا ہے۔بی آرٹی انتظامیہ کا مؤقف ہے کہ آئندہ نقصان پہنچانے والوں کے خلاف سرکاری املاک کو نقصان پہنچانے کا مقدمہ بھی درج کیا جائے گا۔
